झापामा गोली चल्यो, एक जनाको मृत्यु

भाद्र १०,झापा । झापामा एक जनाको गोली लागेर मृत्यु भएको छ ।
जिल्लाको झापा गाउँपालिकामा स्थानीय र प्रहरीबीच झडप हुँदा बुधबार सशस्त्र प्रहरीको गोली लागेर एक जनाको मृत्यु भएको हो ।

सशस्त्र प्रहरीको गोली लागेर स्थानीय ३८ वर्षका रसिकुल आलमको मृत्यु भएको सशस्त्र प्रहरीले जनाएको छ ।  २ सय भन्दा बढीको भीडले प्रहरीलाई आक्रमण गरेपछि सशस्त्र प्रहरीले हवाई फायर गरेको जनाए पनि गोली लागेर एक जनाको मृत्यु भएको हो ।

गोरु काटेको अभियोगमा पक्राउ परेका २ जनालाई विर्तामोडतर्फ ल्याउँदै गर्दा स्थानीय र प्रहरीबीच झडप भएको जनाइएको छ ।