- २५ भाद्र २०८३, बिहीबार / Sep 10, 2026
काठमाडौ भाद्र १० । विश्वमा महामारीको रुपमा फैलिएको कोरोना भाइरसबारे नयाँ तथ्य खुलेको छ । मानिसले खाने माछा, मासुमा समेत कोरोनाभाइरस लामो समय बाँच्ने तथ्य खुलेको हो ।
फ्रिजमा राखिएको माछा, मासुमा करिब ३ हप्तासम्म कोरोना भाइरस बाँच्न सक्ने एक अध्ययनले प्रमाणित गरेको हो ।
दूषित खानाले पनि कोरोनाभाइरसको प्रकोप निम्त्याउन सक्ने चेतावनी बैज्ञानिकहरुले दिएका छन् । सिंगापुरको सुपरमार्केटबाट सालमन माछा, कुखुरा र सुँगुरको मासुको टुक्रा काटेर भाइरसको नमूना राखेर अध्ययन गर्दा ३ हप्तापछि फ्रोजन माछा मासुमा कोरोना सक्रिय रहेको पाइएको अध्ययन प्रमाणित गरेको हो ।
अत्याधिक चिसो मौसममा कोरोनाभाइरस बाँच्न सक्ने हुनाले फ्रोजन मासु र माछामा तीन हप्तासम्म बाँच्न सक्ने बताइएको छ । एक ठाउँबाट प्याक गरेर अर्को स्थानमा फ्रोजन गरेका माछा मासु लैजादा कोरोनाको संक्रमण हुन सक्ने वैज्ञानिकहरूको भनाई छ ।
