जंगली च्याउ खादा दुई जनाको अवस्था गम्भीर, तीन जनाको अवस्था सामान्य

रुकुम पश्चिम । रुकुम पश्चिमम बाँफिकोट गाउँपालिका ७ मग्मा नदुवाका पाँच जना विरामी भएका छन् । जङ्गली च्याउ खाँएपछि उनीहरु बिरामी भएका छन् । विरामी हुनेमा आशिराम खत्रीसहित उनकी श्रीमती कुमारी, छोरा शेरबहादुर, छोरी धनमाया र भान्जा निमबहादुर खत्री रहेको प्रहरीले जनाएको छ । बिरामी पाँचै जनालाई बुधवार बिहान जिल्ला अस्पताल सल्लेमा उपचारका लागि ल्याइएको छ । उनीहरुमध्ये आशिराम उनकी छोरी धनमाया बोल्न नसक्ने अवस्थामा रहेको छ भने अन्य तीन जनाको अवस्था सामान्य रहेको छ ।

जिल्ला प्रहरी कार्यालय रुकुम पश्चिमले बर्खायाममा जङ्गली विषालु च्याउ खाएर मानिसहरू बिरामी परेको भन्दै सचेत रहन आग्रह समेत गरेको छ । आशिरामले मङ्गलवार बेलुका जङ्गलबाट ल्याएको च्याउ खाँदा पाँच जना बिरामी भएकाे जिल्ला प्रहरी कार्यालय रुकुम पश्चिमले जनाएको छ ।