तीन वर्षदेखि रिक्त उपसभामुख चयनका लागि ३१ गते निर्वाचन हुने

काठमाडौं । झण्डै तीन वर्षदेखि रिक्त उपसभामुख चयनका लागि शुत्रबार ३१ गते निर्वाचन हुने भएको छ । तत्कालीन उपसभामुख शिवमाया तुम्बाहम्फेले राजीनामा दिएपछि रिक्त रहेको उपसभामुख पदमा झण्डै तीन वर्षपछि शुक्रबार निर्वाचन हुन लागेको हो । प्रतिनिधि सभामा उपसभामुख चयन प्रक्रिया सुरु हुने भएको छ ।

२०७६ माघदेखि रिक्त रहेको उपसभामुखको पद पूर्ति हुन सकेको थिएन । बैठकमा सभामुख अग्निप्रसाद सापकोटाले निर्वाचनको कार्यतालिका सार्वजनिक गरेपछि पर्सि शुक्रबार ३१ गते निर्वाचन तोकिको हो ।