- १४ आश्विन २०८३, बुधबार / Sep 30, 2026
काठमाडौं । पाटन अस्पतालमा एक नवजात शिशुको शरीरमा देखिएको ‘फेटिफर्म स्याक्रोकोक्सिजियल टेराटोमा’ नामक ट्युमरको सफल शल्यक्रिया गरिएको छ ।
गत १८ वैशाखमा जन्मिएका ती शिशुको कम्मरमुनिको भागमा ट्युमर देखिएपछि तीन दिनपछि २१ वैशाखमा सफल शल्यक्रिया भएको अस्पतालका कन्सल्ट्यान्ट न्युरोसर्जन डा. रूपेशजंग राउतले बताए ।
अस्पतालको न्युरो सर्जरी विभागका प्रमुख प्राडा प्रकाश विष्टको नेतृत्वमा तीनदिने नवजात शिशुको सफल शल्यक्रिया भएको हो ।
शल्यक्रियामा कन्सल्ट्यान्ट न्युरो सर्जनद्वय डा. राउत र डा. दिनुज श्रेष्ठ, प्लास्टिक सर्जन डा. प्रयास चन्द, एनेस्थेसियामा डा. मानबहादुर चन्द, डा.अभिशेष र डा. रोशनलगायतको टोली संलग्न रहेको थियो ।
बच्चामा बिरलै देखिने यस्तो खालको ट्युमरको पाटनमा यो पहिलो सफल शल्यक्रिया हो ।
