- १ जेष्ठ २०८३, शुक्रबार / May 15, 2026
दैलेख । दादागीरी शैलीमा भारतीय प्रहरी पोशाकसहित दैलेख पुगेका छन् । सोमबार साँझ दैलेख पुगेका उनीहरु पोशाकसहित खुलेयाम डुलिरहेको भेटेपछि स्थानीयले बिरोध गरेका छन् ।
भारतीय प्रहरी खुलेआम घुमीरहेको तर स्थानीय प्रशासन र प्रहरीलाई कुनै अतोपतो छैन । जानकारी नै नदिइ दैलेख आएका उनीहरुको यो दादागीरि हो भनेर स्थानीयले भनेका छन् । स्थानीयको विरोध पछि मंगलवार बिहान मात्रै जिल्ला प्रहरी कार्यालयमा पुगेर प्रहरीलाई जानकारी गराएका थिए।
भारत हरियाणा प्रदेशको यमुनानगर जिल्लाबाट खटिएका उनीहरु सई विजय विवेकको नेतृत्वमा ४ जनाको टोली दैलेख पुगेको जिल्ला प्रहरी कार्यालय दैलेखका प्रहरी निरीक्षक उपेन्द्रप्रसाद आचार्यले बताए ।
भारतमा काम गर्दै आएका एक युवकले झण्डै ५० लाख रुपैयाँ चोरी गरी फरार भएपछि खोजी गर्न दैलेख पुगेको भारतीय प्रहरीले दैलेख प्रहरीलाई जानकारी आचार्यले बताए । दैलेख प्रहरीको छलफल पछि उनीहरु सादा पोशाकमा हिँड्न थालेको उनको भनाई छ ।
