धरानका मेयर हर्क राईले किन पठाए राष्ट्रपति र प्रधानमन्त्रीलाई पत्र

काठमाडौँ । श्रमदानमा सहभागी हुन धरान उपमहानगरपालिकाका मेयर हर्कराज राईले राष्ट्रपति रामचन्द्र पौडेल र प्रधानमन्त्री पुष्पकमल दाहाल प्रचण्डलाई पत्र पठाएका छन् । श्रमदानको अवलोकन र सहभागिताको लागि राष्ट्रपति र प्रधानमन्त्रीलाई आग्रह गरिएको पत्र मेयर हर्कराज राईले मंगलबार सामाजिक सञ्जालमा सार्वजनिक गरेका हुन ।

पूर्वाधारयुक्त सुन्दर सहर बनाउने अभियानमा उच्चपदस्थ अधिकारीहरूले पनि धरान उपमहानगरपालिकालाई साथ दिनुपर्नेमा उनले जोड दिएका छन् । धरानको विकासमा सबै सहयोगको अपेक्षा गरेको समेत उनले पत्रमा उल्लेख गरेका छन् ।