नदी सफा गर्दा पेस्तो फेला पर्‍यो

काठमाडौँ । बागमती सफाइका क्रममा नदीमा अमेरिकी कम्पनीको पेस्तोल फेला परेको छ । शनिवार बागमती नदीमा सरसफाई गर्ने क्रममा उक्त पेस्तोल भेटिएको हो । पेस्तोल एउटा झोलामा पोको पारेर नदी फ्यालिएको अवस्थामा फेला परेको जनाइएको छ ।

सफाइ गर्ने क्रममा झोलासहितको पेस्तोल फेला परेको र पेस्तोल फेला परेपछि तत्कालै प्रहरीलाई खबर गरिएको थियो । गौशाला प्रहरीले मुचुल्का तयार पारी भेटिएको पेस्तोल लगेको छ ।

बागमती सभ्यता एकीकृत विकास समितिले शनिवार गौशालादेखि सुरु गरेको बागमती सफाइको क्रममा तिलगंगाको शारदा स्कुल नजिक पेस्तोल फेला परेको थियो ।