- २ भाद्र २०८३, मंगलवार / Aug 18, 2026
एजेन्सी । सत्ता सङ्घर्षका क्रममा सुडानमा भएको हिंसात्मक घटनामा २७ जनाको मृत्यु भएको छ । सुडानको सत्ता संर्घषका कक्रममा सेना र सरकारी अर्धसैनिक बल आर.एस.एफबीचको लडाइँ हुँदा कम्तीमा २७ जनाको मृत्यु भएको हो ।
राजधानी खार्तुममा आइतबार सार्वजनिक बिदाको घोषणा गरिएको छ । खार्तुम राज्य सुरक्षा समितिले नागरिकहरूको जीवन सम्पत्ति जोगाउन यो कदम चालेको जनाएको छ । हिजो बिहानैदेखि दुई पक्षबीच झडप सुरु भएको हो ।
अर्धसैनिक बलले कम्तीमा तीनवटा विमानस्थल, सेना प्रमुखको निवास र राष्ट्रपति भवनलाई नियन्त्रणमा लिएको दाबी गरे पनि सेनाले अस्वीकार गरेको छ । पुल र सडकहरू बन्द हुँदा मानिसहरू बाटोमै थुनिएका छन् ।
ज्यान गुमाउनेमा ३ जना संयुक्त राष्ट्र सङ्घका कर्मचारी रहेका कर्मचारी रहेको सञ्चारमाध्यमले जनाएका छन् । उनीहरुलाई सैनिक शिविरमा दुई पक्षबीच गोली हानाहान हुँदा गोली लागेको थियो । घटनामा दुई सय जनाभन्दा धेरै घाइते भएका छन् । राजधानी खार्तुम सहरको आकाश धुवाँले भरिएको छ । सुडानको सेनाले नागरिकलाई घरभित्रै बस्न आह्वान गरेको छ ।
