नवौँ राष्ट्रिय प्रतियोगीताका लागि छनोट खेल सुरु

खोटाङ । नवौँ राष्ट्रिय प्रतियोगीताका लागि छनोट खेल सुरु भएका छन् । नवौँ राष्ट्रिय खेलकुद प्रतियोगीता–२०७९ अन्तर्गत जिल्लास्तरीय छनौट प्रतियोगिता जिल्लास्तरीय कराते प्रतियोगिता सुरु भएको हो ।

खोटाङमा सितोरियो करातेको छनोट खेल सुरु भएको जिल्ला खेलकुद विकास समितिले जनाएको छ । कबर्डहलमा दुई दिनसम्म सञ्चालन हुने प्रतियोगीता बुधबार दिक्तेल रुपाकोट मझुवागढी नगरपालिकाका मेयर तीर्थराज भट्टराई र प्रमुख जिल्ला अधिकारी सुर्यप्रसाद सेडाईले उद्घाटन गरेका हुन् ।

प्रदेशस्तरीय प्रतियोगितामा सहभागी हुने खेलाडी छनोटका लागि नेपाल सितोरियो कराते संघसँगको सहकार्यमा जिल्ला खेलकुद विकास समितिले प्रतियोगीता आयोजना गरेको हो ।