नेपालमा कोरोना संक्रमितको संख्या २ सय ५८ पुग्यो

२ जेठ २०७७ काठमाडौं । नेपालमा कोरोना भाइरस (कोभिड १९) बाट संक्रमित हुनेको संख्या २ सय ५८ पुगेको छ । शुक्रबार थप ९ जनामा कोरोना पुष्टि भएसंगै यो संख्या २ सय ५८ पुगेको हो । नेपालमा लकडाउन भएको ५३ औं दिनमा कोरोना भाइरसबाट संक्रमित हुनेको संख्या २ सय ५८ पुगेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जानकारी दिए ।
कोरोनाबाट संक्रमित मकवानपुर निवासी ३७ वर्षीय पुरुष, बाँके, नैनापुर (०१. ०३ र ०५ निवासी १८, २०, २२, २५, २५, २७, ३२. ३६ वर्षीय पुरुष रहेका छन । अधिकारीका अनुसार राष्ट्रिय जनस्वास्थ्य प्रयोगशाला, काठमाडौं र भेरी अस्पताल, नेपालगंजमा गरिएको परिक्षण अनुसार ९ जनामा कोरोना पुष्टि भएको हो ।
उनीहरु स्वास्थ्यकर्मीको सम्पर्कमा आएको र सबैको स्वास्थ्य अवस्था सामान्य रहेको मन्त्रालयले जनाएको छ ।