नेपालले केन्यासँग प्रतिष्पर्धा गर्ने

एजेन्सी । पाँच खेलको टी (२०) आई सिरिज खेल्न केन्याको राजधानी नैरोबी पुगेको नेपाली राष्ट्रिय टोलीले आज पहिलो खेल खेल्दैछ । नेपाली पौने चार बजेबाट शुरु हुने खेलमा नेपालले केन्यासँग प्रतिष्पर्धा गर्नेछ ।

विश्व क्रिकेट लिग–२ अन्तर्गत नामिबिया भ्रमणअघि नेपालले अनुभव बटुल्नका लागि मैत्रीपूर्ण खेल खेल्न लागेको हो । युवा र नयाँ खेलाडीले भरिएको टोलीलाई केन्या भ्रमण एक्स्पोजरको रुपमा पनि हेरिएको छ भने नवनियुक्त प्रशिक्षक मनोज प्रभाकारको पनि महत्वपुर्ण भुमिका हुनेछ ।

आज हुने खेलमा दुवै टोली जीत निकालेर सुखद् शुरुवातको योजनामा रहेका छन् । पाँच खेलको सिरिज अन्तर्गत दोस्रो टी–२० भोलि, तेस्रो आइतबार, चौथो सोमबार र पाँचौ तथा अन्तिम टी–२० मंगलबार हुने तालिका रहेको छ । टी–२० सिरिजपछि नेपालले घरेलु टोलीसँग एकदिवसीय सिरिज खेल्नेछ ।