- १ श्रावण २०८३, शुक्रबार / Jul 17, 2026
काठमाण्डौ । नेपाली नर्सिङ विद्यार्थीको शैक्षिक प्रमाणपत्रले मान्यता नपाउने भएको छ । वैदेशिक अध्ययन अनुमतिपत्र (एनओसी) नलिइकन भारतको सीमा क्षेत्रमा सञ्चालित शिक्षालयमा अध्ययन गर्ने नेपाली विद्यार्थीको शैक्षिक प्रमाणपत्रले मान्यता नपाउने भएको हो ।
अहिले नेपाली विद्यार्थीहरु नर्सिङ अध्ययनका लागि नेपालको सीमा क्षेत्रमा सञ्चालित कलेजमा जाने गरेका छन् । वैदेशिक अध्ययन अनुमतिपत्र (एनओसी) नलिइकन सीमा क्षेत्रमा नर्सिङ पढ्न गएका नेपाली विद्यार्थीको शैक्षिक प्रमाणपत्रले मान्यता नपाउने चिकित्सा शिक्षा आयोगले जनाएको छ ।
भारत सरकारले एक सय ५७ वटा नर्सिङ कलेज खोल्ने निर्णय गरेस.गै ती मध्ये धेरैजसो सीमा क्षेत्रमै स्थापना भएका छन् । यसबारे सम्बद्ध निकायले सूचना मार्फत् विद्यार्थीलाई जानकारी गराउनुपर्ने आम धारणा रहेको छ ।
