- २८ जेष्ठ २०८३, बिहीबार / Jun 11, 2026
काठमाडौं। कोरोना भाइरसको महामारीको समयमा घरभित्रै बसेर समय पास गर्न नेपाल टेलिकमले स्टे कनेक्टेड प्याक मार्फत सस्तोमा डाटा उपलब्ध गराउन सुरु गरेको छ । नेपाल टेलिकमले २ सय रुपैयाँमा १० जीबी डाटा प्याक उपलब्ध गराउन शुरु गरेको हो ।
दुई जीबी नियमित प्याकेजमा कम्पनीले आठ जीबी डेटा फोरजी नेटवर्कका लागि बोनस स्वरुप उपलब्ध गराएको जनाएको छ । सेवाग्राहीले २ सय रुपैयाँमै १० जीबी डेटा प्राप्त गर्न सक्नेछन् । सात दिनसम्म प्रयोग गर्न सकिने यो प्याकेजको डेटा मध्ये आठ जीबी फोरजी नेटवर्कमा बोनसको रुपमा उपयोग गर्न सकिने र बाँकी दुई जीबी जुनसुकै नेटवर्कमा प्रयोग गर्न मिल्ने कम्पनीले जनाएको छ ।
सय रुपैयाँमै चार जीबी डेटाको अर्को प्याकेज समेत ल्याएको कम्पनीले जनाएको छ । जसमध्ये एक जीबी जुनसुकै नेटवर्कमा प्रयोग गर्न मिल्नेछ । यसरी प्राप्त चार जीबी डेटा पाँच दिनसम्म प्रयोग गर्न सकिने कम्पनीले जाएको छ । बोनस स्वरुप प्राप्त हुने तीन जीबी डेटा फोरजी नेटवर्कमा मात्र प्रयोग गर्न मिल्ने कम्पनीको दाबी छ ।
