प्रधानाध्यापक नियुक्तिका लागि परीक्षा तालिका सार्वजनिक

काठमाण्डौ । प्रधानाध्यापक नियुक्तिका लागि काठमाडौंको बूढानीलकण्ठ नगरपालिकाले साउन १८ गते परीक्षा गर्ने गरी तालिका सार्वजनिक गरेको छ । नगरपालिकाले परीक्षामार्फत् प्रधानाध्यापक नियुक्त गर्ने तालिका सार्वजनिक गरेको हो । सम्बन्धित तहको शिक्षक पदमा कम्तीमा ५ वर्ष स्थायी सेवा गरेको व्यक्तिले प्रधानाध्यापकमा आवेदन दिन पाउने नीयम रहेको छ ।

आवेदकले आधारभूत तहको लागि स्नातक तह वा सो सरह उतीर्ण गरेको र माध्यमिक तहको लागि मान्यता प्राप्त विश्वविद्यालयबाट कम्तीमा स्नातकोत्तर तह उत्तीर्ण गरेको हुनुपर्नेछ । बूढानीलकण्ठभित्रका सामुदायिक विद्यालयहरूमा कार्यरत स्थायी शिक्षकहरूले आवेदन दिन सक्ने सूचनामा उल्लेख छ ।