प्रमाणण पत्र प्राप्त व्यक्ति मात्र नेकपाकाे सदस्य बन्न पाउने

काठमाडौं । नेपाल कम्युनिस्ट पार्टी (नेकपा) ले सदस्य बन्न पार्टी स्कूल पास गरेको प्रमाणपत्र अनिवार्य गर्ने तयारी गरेको छ । नेकपा स्कूल विभागले केन्द्रीय सचिवालयमा पेश गरेको कार्ययोजनामा तल्लो तहसम्म स्कूल सञ्चालन गर्ने र त्यहाँ उतीर्ण हुनेलाई प्रमाणपत्र दिने सहितकाे व्यवस्था गरिएको छ ।

सचिवालयबाट कार्ययोजना र विभागलाई पूर्णता दिने म्याण्डेट प्राप्त भएपछि देशब्यापी रुपमा नेकपाले स्कूल सञ्चालन गर्ने र  स्कूल स्थानीय तहसम्म सञ्चालन गरिने नेकपाले जनाएकाे छ । विभागले पहिलो चरणमा पाठ्यक्रम बनाएर पाठ्यक्रममा पार्टीको मार्गदर्शक सिद्धान्त, माक्र्संवाद, लेनिनवाद, पार्टीको तत्कालिन कार्यक्रम जनताको जनवाद, पार्टीले लिएको वैज्ञानिक समाजवाद र नेकपा सरकारले अघि सारेको समृद्ध नेपाल सुखी नेपालीको विषय समेटिने स्कुल विभागले जनाएकाे छ।