- १० असार २०८३, बुधबार / Jun 24, 2026
सिरिया । शिया तीर्थस्थललाई लक्षित गरी भएको बम विस्फोटमा परि ६ जनाको मृत्यु भएको छ । मुहर्रम अघि बिहीबार राति भएको सो विष्फोटमा २० भन्दा बढी घाइते भएका छन् । बम विस्फोट दमास्कसको ग्रामीण इलाकाको सैयदा जैनाब शहरमा गरिएको थियो ।
सईदा जैनाब शहरको कौ सौदान स्ट्रिटमा ट्याक्सी नजिकै विस्फोट भएको हो । सिरियाली गृह मन्त्रालयले एक विज्ञप्तिमा भन्यो कि, ‘बम विष्फोटपछि सुरक्षाकर्मीहरू विस्फोट भएको ठाउँमा पुगेका थिए र उद्धार कार्य सुरु गरेका थिए ।
मृतकको शव र घाइतेहरूलाई अस्पतालमा भर्ना गरिएको छ।’ प्रसिद्ध शिया तीर्थस्थल सैयदा जैनाब समाधि नजिकै पार्क गरिएको ट्याक्सीमा विस्फोट भएको गृह मन्त्रालयले जनाएको छ । सिरियाली सरकारले यसलाई आतंकवादी हमला भनेको छ ।
सिरियन अब्जरभेटरी फर ह्युमन राइट्सले सिरियाको रुससँग चलिरहेको द्वन्द्वमा सिरियाली राष्ट्रपति बसर अल असदलाई समर्थन गर्ने इरानी मिलिसियाको स्थान नजिकै विस्फोट भएको बताएको छ।
