बलात्कार कसुरमा सजाय काटिरहेका एक वृद्धको जेल मै निधन

७ असरा २०७७ काठमाडौं । बलात्कार कसुरमा सजाय काटिरहेका एक वृद्धको जेलमा निधन भएको छ । सुन्धारास्थित केन्द्रीय कारागारमा रहेका उनी ब्लड प्रेसरको समस्याका कारणले मृत्य भएकाे जनाइएकाे छ ।

शनिबार राति अचानक स्वास्थ्य समस्या आएपछि उदयपुरका ८२ वर्षीय दिलप्रसाद राईको निधन भएको महानगरीय प्रहरी कार्यालयका प्रवक्ता (एसएसपी) सुशील कुमार यादवले जानकारी दिए । उनलाई वीर अस्पताल लैजाँदै गर्दा निधन भएको उनकाे भनाइ छ ।

बलात्कार कसुरमा सजाय भाेगिरहेका दिल प्रसादलाई अदालतले १३ वर्ष कैद साजय तोकेको थियो । उनी दुई वर्षदेखि केन्द्री कारागारमा बसिरहेका थिए । उनको शव अहिले वीर अस्पतालमा राखिएको छ ।