- ९ आश्विन २०८३, शुक्रबार / Sep 25, 2026
भजनी । बर्सेनि बाढी र डुबानका कारण कैलालीमा अत्यधिक क्षति हुने गरेको छ । भजनीमा बाढी र डुबानबाट बढी क्षति हुने गरेको छ । वर्षातको समयमा भजनीवासी शान्तले सुत्न पाउँदैनन् ।
भजनीकै रामकृष्ण चौधरी समस्याका बेलामात्रै दिइने सान्त्वनाले समस्या समाधान नहुने बताउँछन् । बाढी र डुबानको मुख्य समस्या पहिचान गरी काम थाल्नुपर्ने उनको भनाइ छ । बाढी र डुबानको दीर्घकालीन समाधान आवश्यक भएको उनको भनाइ छ ।
बर्सेनि बाढी र डुबानका कारण करोडौँको क्षति हुने गरेको छ । विशेषगरी नदीका कारण भजनीका अधिकांश क्षेत्र डुबानमा पर्छन् । स्थानीय रीता बोहराले भनिन् । ‘बाढी बस्तीमा पसेपछि समस्या बढी हुन्छ । पानीको निकास नहुँदा डुबानको जोखिम महिनौँसम्म रहन्छ ।’
