बुद्ध एअरका पाइलट क्यानको कारबाहीमा

काठमाण्डौं । बुद्ध एअरका एक जना पाइलटलाई कारबाही गरिएको छ । नेपाल नागरिक उड्डयन प्राधिकरण (क्यान)ले उडानका बेला फोटो रभिडिओ खिचेपछि पाइलट कारबाही गरेको हो । पाइलटको नाम र उनले कुन उडानमा फोटो र भिडियो खिचेका हुन् भन्ने विषयमा भने क्यानले खुलाएको छैन ।

उडानका बेला फोटो र भिडियोग्राफीलाई निषेध गर्ने नागरिक उड्डयन प्राधिकरणको नियमको उल्लङ्घन गरेको भन्दै क्यानले ती पाइलटलाई अर्को सूचना नआएसम्मका लागि उडान भर्न नपाउने गरी निलम्बन गरेको हो ।