भवन माथि विमान खस्यो, अर्बपतिसहित ८ जनाको मृत्यु

काठमाडौं । उत्तर इटालीको सहर मिलानमा रहेको खाली अफिस भवनमा विमान खस्दा त्यसमा सवार सबै ८ जनाको मृत्यु भएको छ । सार्डिनिया टापुका लागि मिलानको लिनाते विमानस्थलबाट उडान भरेको सो विमान केही बेरमा नै दुर्घटनाग्रस्त बनेको थियो ।

विमानका चालक ६८ वर्षीय रोमानियन अर्बपति डान पेट्रेस्कु रहेको र उनीसँगै उनको पत्नी र छोराको पनि मृत्यु भएको सँचारमाध्यमले जनाएका छन् । पेट्रेस्कु रोमानिया सबैभन्दा धनी व्यक्ति हुन् ।

दुर्घटनापछि अफिस भवन र पार्किङ गरिएका गाडीमा आगलागी भएको थियो भने जमिनमा रहेका कोही पनि घाइते नभएको जनाइएको छ । दुर्घटना के कारणले भयो भन्ने बारे छानबिन सुरु गरिएको छ ।