भारतमा चामल मिल भत्किएपछि ४ जनाको मृत्यु

एजेन्सी । भारतमा चालम मिल भत्किदा चार जनाको मृत्यु भएको छ । भारतको हरियाणा राज्यको कर्नालमा धान कुट्ने मिल रहेको भवन भत्किँदा चार जनाको मृत्यु भएको हो । घटनामा २० जना घाइते भएका हुन ।

भग्नावशेषमा अन्य कामदार पुरिएको आशंकामा उद्धार कार्य जारी छ ।भवन निर्माणमा संरचनागत त्रुटि देखिएको भन्दै घटनाको छानबिन गर्न समिति गठन गरिने भएको छ । मृतकका परिवारलाई उचित क्षतिपूति दिने घोषणा हरियाणा सरकारले गरेको छ ।

तीन तले भवन भत्किँदा त्यहाँ सुतिरहेका मजदुरहरुको मृत्यु भएको हो । मिलमा १ सय ५० कामदार रहेको जनाइएको छ । घाइतेहरूको स्थानीय अस्पतालमा उपचार भइरहेको छ ।