मोटरसाइकलमा चाँदीका गरगहनासहित एक जना पक्राउ

बारा । चार किलो चाँदीका गरगहनासहित एक जनालाई पक्राउ परेका छन् । जिल्ला प्रहरी कार्यालय बाराले वीरगन्जबाट कलैयातर्फ लुकाई छिपाई मोटरसाइकलमा ल्याउँदै गरेको अवस्थामा चार किलो चाँदीका गरगहनासहित एक जनालाई पक्राउ परेका हुन ।

पक्राउ पर्नेमा वीरगन्ज महानगरपालिका ३ का राजेश साह सोनार रहेको जिल्ला प्रहरी कार्यालय बाराले जनाएको छ । पक्राउ परेका साहलाई अहिले जिल्ला प्रहरी कार्यालयमा राखेर थप अनुसन्धान भइरहेको प्रहरीले जनाएको छ।

विशेष सूचनाको आधारमा गएराति गण्डक चोकमा चेकजाँच गर्ने क्रममा ना १६ प ४०१६ नम्बरको मोटरसाइकलमा चाँदीका गरगहनासहित साहलाई पक्राउ गरिएको जिल्ला प्रहरी कार्यालय बाराका प्रवक्ता दुधिराम न्यौपानेले जानकारी दिए।