- २१ कार्तिक २०८३, शनिबार / Nov 7, 2026
मकवानपुर । मकवानपुर प्रहरीले ठूलो परिमाणमा लागूऔषध सहित दुई जनालाई पक्राउ गरेको छ । प्रहरीले लागूऔषध नाईट्रोभेट ६०० ट्याब्लेट, डाईजेपाम ९३० एम्पुल र मोटरसाइकल सहित उनीहरुलाई पक्राउ गरेको हो ।
सूचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा–१५ रातोमाटे चेकपोष्टमा वीरगन्जबाट हेटौंडातर्फ आउँदै गरेको ना ६ ख ८४२५ नम्बरको बसलाई जाँच गर्ने क्रममा लागूऔषध सहित उनीहरुलाई पक्राउ गरेको प्रहरी प्रमुख बामदेव गौतमले जानकारी दिएका छन ।
लागूऔषध सहित बसमा सवार मोरङ विराटनगर महानगरपालिका–१५ घर भई हाल पर्सा वीरगन्ज बस्ने २२ वर्षीय रञ्जित शर्मालाई पक्राउ गरेको थियो ।
बसमा २० किलोको चामलको बोरामा लुकाई ल्याएको लागूऔषध डाईजेपाम ३१० एम्पुल, फेनरागन ३१० एम्पुल, नुर्फिन ३१० एम्पुलसहित जम्मा ९३० एम्पुल र नाईट्राभेट ६०० ट्याब्लेट बरामद गरेको छ ।
