- २२ आश्विन २०८३, बिहीबार / Oct 8, 2026
नेपालगन्ज । बाँकेमा पानी भरिएको खाडलमा डुबेर एक बालकको मृत्यु भएको छ । अम्बे स्टिल उद्योगले पर्खाल निर्माणका लागि खनेको करिब १० फिट गहिरो पानीसहितको खाल्डोमा डुबेर ७ वर्षीय बालकको मृत्यु भएको हो ।
जानकी गाउँपालिका वडा नम्बर ५ का ७ वर्षीय बालक सञ्जु कलबरको पानी भरिएको खाडलमा डुबेर मृत्यु भएको जिल्ला प्रहरी कार्यालय बाँकेका डीएसपी रामप्रसाद घर्तीमगरले बताए । बालक शौचालय जाने भनी निस्केका बेला पोखरीमा डुबेका थिए ।
मृतक बालकका परिवारले दोषीलाई कारबाही, पीडित परिवारलाई क्षतिपुर्ति दिनुपर्ने माग गरेका छन् । प्रहरीका अनुसार पहिला पनि यही खाल्डोमा डुबेर ९ बालकको मृत्यु भएको छ ।
