- २ श्रावण २०८३, शनिबार / Jul 18, 2026
काठमाडौं । विश्वमै सबैभन्दा बढी वायु प्रदूषण हुने शहरमा काठमाडौं उपत्यका दाेस्राे नम्बरमा परेको छ । पछिल्लो वायु प्रदूषणको मापनमा वायु प्रदूषण मापन गर्ने संस्था आईक्यु एअरले विश्वका एक सय एक वटा शहरमा गरिएको मापनमा काठमाडौं उपत्यका सबैभन्दा प्रदुषित शहरको दाेस्राे नम्बरमा परेको हो ।
काठमाडौंको वायु प्रदूषणको अवस्था मानव स्वास्थ्यका लागि अत्यन्त हानिकारक चरणमा पुगेको आइक्यु एअरले जनाएको को छ । शनिबार साँझ काठमाडौंको एक्युआई सुचकांक २०२ रहेको थियो । वायु प्रदूषणका हिसाबले काठमाडौं दाेस्राे, भारतको नयाँ दिल्ली तेस्रो स्थानमा रहेको छ भने थाइल्यान्डको चियाङमाई पहिलाे स्थानमा रहेको छ ।
सबैभन्दा बढी जनघनत्व रहेको बंगलादेशको राजधानी ढाका पाँचौं स्थानमा परेको छ ।
उपत्यकाको वायु प्रदूषणको अहिलेको अवस्थाले बालबालिका, वृद्धवृद्धा एवं श्वासप्रश्वाससम्बन्धी बिरामी र मुटुका बिरामीलाई समस्यामा पार्ने पनि बताइएको छ । काठमाडौंमा वायु प्रदूषणको मूख्य कारकमा धुलो देखिएको छ भने नयाँ दिल्लीमा सवारी साधनले फाल्ने धुवाँ कारक देखिएको छ ।
