सडकमा अपरिचत समूहले बायाँ खुट्टा काटेर छुट्याएपछि विकलाई कोलपुर रिफर

दाङ । तुलसीपुरमा गएराति अज्ञात समूहले धारिलो हतियार प्रहार गरि खुट्टा काटिदिएपछि एक जना गम्भिर घाईते भएका छन् । तुलसीपुर उपमहानगरपालिका–११ नवलपुर निबासी ४५ बर्षका कुमार विकको अपरिचित समुहले खुटा छिनालेको ईलाका प्रहरी कार्यालय तुलसीपुरका डिएसपी शिव बहादुर सिंहले बताए ।

आफन्तको बिहेमा गएर फर्किएका बिकलाई तुलसीपुर उपमहानगरपालिका–१० पड्ढा जाने सडकमा बायाँ खुट्टाको चुरीगाँठादेखि तलतिर काटेर छुट्याइदिएको उनको भनाई छ । दुबैहातका हत्केला र औंलामा खुकरीको गहिरो चोट लागेको छ । घाइतेको विकको राप्ती प्रादेशिक अस्पताल तुलसीपुरमा सामान्य उपचारपछि कोहलपुर रिफर गरिएको छ । घटनामा संलग्न व्यक्तिको व्यापक खोजी भैरहेको इलाका प्रहरी कार्यालयले जनाएको छ ।