सधैको सास्ती सिद्धबाबा सडक खण्ड

बुटवल । बुटवल–पाल्पा सडकको सिद्धबाबामा सडकमाथिबाट ढुङ्गा खस्दा ३ जना घाइते भएका छन् । सिद्धार्थ राजमार्ग अन्तरगत सिद्धबाबा सडकखण्डमा सडकमाथिबाट ढुङ्गा खसेर जिपमा लाग्दा ३ जना घाइते भएका हुन ।

बुटवलदेखि पाल्पातर्फ जाँदै गरेको जिपमा माथिबाट ढुङ्गा खस्दा तीन जना घाइते भएको प्रहरीले जनाएको छ । घटनामा लु २ च २८४९ नम्बरको जिप चालकसहित ३ जना घाइते भएका छन् । उनीहरूलाई उपचारका लागि लुम्बिनी प्रादेशिक अस्पताल बुटवलमा ल्याइएको छ ।

उनीहरूको स्वास्थ्य अवस्था सामान्य रहेको प्रहरीले जनाएको छ । सडक सुचारु नै रहेको ट्राफिक प्रहरीले जनाएको छ । तिनाउ–३ सिद्धबाबा नजिकै हेडबक्सनिर गुडिरहेको जिपमाथि ढुङ्गा खसेको राजमार्ग सुरक्षा तथा ट्राफिक व्यवस्थापन कार्यालय बुटवलले जनाएको हो ।