समानुपातिकको मतगणना सकिंदै, कसको कति ?

समानुपातिकको मतगणना सकिंदै, कसको कति ? image

काठमाडौं । मंसिर ४ गते सम्पन्न प्रतिनिधि सभा तथा प्रदेश सभाको समानुपातिकर्फको मत गणना आज सकिदै छ । मंगलबार बिहान ६ बजेसम्म एक करोड चार लाख ७८ हजार ७ हजार ३ सय ५९ मतगणनामा एमाले पहिलो पाटी बनेको छ ।

२८ लाख १४ हजार ६ सय ५५ मत एमालेले पाएको छ । यस्तै २६ लाख ८८ हजार २ सय १८ मतसहित कांग्रेस दोस्रो स्थानमा छ । ११ लाख ६४ हजार १ सय २ मतसहित नेकपा (माओवादी केन्द्र) तेस्रो स्थानमा छ ।

यसैगरी राष्ट्रिय स्वतन्त्र पार्टीले ११ लाख २४ हजार ७ सय ७८ मत पाएको छ भने राष्ट्रिय प्रजातन्त्र पार्टीले ५ लाख ८६ हजार ८ सय १६ मत पाएको छ । जनता समाजवादी पार्टीले ४ लाख २० हजार ९ सय ५४ मत पाएको छ ।

जनमत पार्टीले ३ लाख ९४ हजार मत पाएको छ । नेकपा (एकीकृत समाजवादी)ले २ लाख ९६ हजार ९० मत मात्रै पाएको छ । प्रत्यक्षतर्फको सबै परिणाम आईसकेकाले निर्वाचन आयोगले समानुपातिकतर्फको मत गणना सकिएलगत्तै सिट विभाजनको प्रक्रिया सुरू गर्ने जनाएको छ ।

आगामी २८ गतेसम्ममा निर्वाचनको सम्पूर्ण नतिजासहितको प्रतिवेदन आयोगले राष्ट्रपति विद्यादेवी भण्डारीलाई बुझाउने तयारी गरेको छ ।त्यसपछि राष्ट्रपति भण्डारीले नयाँ सरकार गठनका लागि आह्वान गर्ने बुझिएको छ ।

 

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्