- ६ आश्विन २०८३, मंगलवार / Sep 22, 2026
पाल्पा । पाल्पा–बुटवल सडक दैनिक ९ घण्टा बन्द हुने भएको छ । सिद्धार्थ राजमार्गअन्तर्गत सिद्धबाबा क्षेत्रमा निर्माण सुरु भएको सुरुङ मार्ग निमार्णका लागि दैनिक ९ घण्टा सडक बन्द हुने भएको हो । सुरुङ निर्माणका क्रममा माथिबाट ढुङ्गा–माटो खस्न सक्ने जोखिम भएकाले सडक बन्द गरेर काम थालिने जनाइएको छ ।
जिल्ला प्रशासन कार्यालयमा बसेको बैठकले चैत २१ गतेदेखि लागू हुने गरी प्रत्येक दिन बिहान ११ बजेदेखि दिउँसो २ बजेसम्म र राति १० बजेदेखि बिहान ४ बजेसम्म सडक बन्द हुने निर्णय भएको जिल्ला प्रशासन कार्यालयले जनाएको छ । एम्बुलेन्सलगायतका अत्यावश्यक गाडीलाई अवरोध नहुने उल्लेख गरिएको छ ।
