मौसमी फ्लुविरुद्धको खोप लगाउन अनुरोध

काठमाण्डौ । सरकारले मौसमी फ्लुविरुद्धको खोप लगाउन स्वास्थ्य मन्त्रालयले अनुरोध गरेको छ । रुघाखोकी लागेका बेला जथाभाबी एन्टिबायोटिक प्रयोग नगर्न खोप लगाउन स्वास्थ्य मन्त्रालयले सूचना निकालेर आग्रह गरेको हो ।

खोक्दा वा हाच्छिउँ गर्दा नाक, मुख छोप्न छोप्न समेत मन्त्रालयले आग्रह गरेको छ । बेलाबेलामा साबुनपानीले सफासँग हात धुन, तातो पानी पिउन, बाफ लिन, प्रशस्त मात्रामा तातो पानी र झोलिलो खानेकुरा खान र रुघाखोकी लागेका बेला घरेलु उपचार विधि अपनाउन मन्त्रालयले आह्वान गरेको छ ।

मौसम परिवर्तनसँगै वायु प्रदूषण बढेकाले अहिले धेरैलाई रुघाखोकी र ज्वरो आएको छ । यस्तो बेला बिरामीसँग भौतिक दूरी कायम गर्न मन्त्रालयको सुझाव छ । घरमा कसैलाई रुघाखोकी लागेको भए मास्क लगाउन समेत सूचनामा उल्लेख गरिएको छ ।