सेनाको हेलिकप्टर बेपत्ता

ट्युनिसिया । चार जना सवार ट्युनिसियाली सेनाको हेलिकप्टर बेपत्ता भएको छ । राडार स्क्रिनबाट हराएको केही घण्टापछि दुर्घटना भएको आशङ्का गरिएको रक्षा मन्त्रालयले जनाएको छ ।

केप सेराट क्षेत्रमा रात्रि उडान गरिरहेको हेलिकप्टरसँग सञ्चार विच्छेद भएको सेनाको विज्ञप्तिमा उल्लेख छ । विमान खोजी गर्न स्थल, जल तथा हवाई स्रोत परिचालन गरिएको सेनाले जनाएको छ ।

ट्युनिसियाली सेनाले हालैका वर्षहरूमा तालिम वा जासुसी अभियानमा थुप्रै विमानहरू गुमाएको छ। सन् २०२१ अक्टोबरमा दक्षिणी प्रान्त गाबेसमा रात्रि अभ्यासको क्रममा सेनाको हेलिकप्टर दुर्घटना हुँदा तीन सैनिकको मृत्यु भएको थियो ।