अब चुप लागेर नबस्ने ओलीको चेतावनी

काठमाडौं । कोशी प्रदेशको सत्ता संरक्षणमा रहेका पहिचानवादीले एमालेका नेतामाथि आक्रमण गरेको भन्दै अब चुप लागेर नबस्ने नेकपा एमाले अध्यक्ष केपी शर्मा ओलीले चेतावनी दिएका छन् ।

मुख्यालय च्यासलमा केन्द्रीय सदस्यहरूको सपथग्रहण कार्यक्रमलाई सम्बोधन गर्दै ओलीले आफ्ना नेतालाई मोबिल छर्केर आगो लगाउने र हत्या गर्ने प्रयास गरेको भन्दै अब चुप लागेर नबस्ने चेतावनी दिएका हुन् ।

उनले आफ्ना कार्यकर्ताको रक्षा गर्न एमाले समक्ष रहेकाले तयारीका साथ जवाफ दिन नेताहरुलाई आग्रह गरे । देशभर आगो फैलाउन जातजातको आधारमा राज्य, भड्काउन प्रचण्डको संलग्नता रहेको ओलीको आरोप छ । जातीय द्वेष फैलाउदै समाजलाई विभाजन गर्ने षड्यन्त्र कदापी स्वीकार्य नहुने तर्क गरे ।