हाइड्रो पावरको ड्याममा डुबेर ३ जनाको मृत्यु

काठमाडौं । ताप्लेजुङ पाथिभरा याङबरक गाउँपालिका–४ डुम्रिसेस्थित सिवानी हाइड्रो पावरको ड्याममा पौडी खेल्ने क्रममा डुबेर २१ वर्षीय रोशन तामाङको मृत्यु भएको छ । यस्तै पोखरीमा डुबेर एक बालिकाको मृत्यु भएको छ ।

बोदेबर्साईन नगरपालिका–८ काचनस्थित पोखरीमा डुबेर सोही ठाउँकी ६ वर्षीया नन्दनी कुमारी दासको मृत्यु भएको हो । यता पाल्पामा पनि एक बालकको पोखरीमा डुबेर मृत्यु भएको छ ।

रैनादेवी छहरा गाउँपालिका–१ साउनेस्थित डमराई पोखरीमा डुबेर सोही ठाउँ मामाघर गएका गुल्मी छत्रकोट गाउँपालिका–३ चोयघाका १४ वर्षीय मनोज रेग्मीको मृत्यु भएको प्रहरीले जनाएको छ ।