६ वटा मोटरसाइकल हस्तान्तरण

सर्लाही । हराएका र चोरी भएका ६ वटा मोटरसाइकल सम्बन्धित व्यक्तिहरुलाई हस्तान्तरण गरिएको छ । सर्लाहीको हरिवनमा रहेको इलाका प्रहरी कार्यालयले विभिन्न समयमा हराएको र चोरी भएका मोटरसाइकल हस्तान्तरण गरेको हो । चोरी भएका सबै मोटरसाइकल बजाज कम्पनीको पल्सर २२० सीसी भन्दा माथिको रहेको इलाका प्रहरी कार्यालय हरिवनले जनाएको छ ।

६ वटा मोटरसाइकल प्रहरीले बुधबार सर्लाहीको हरिवनमा सम्बन्धित व्यक्तिलाई बोलाए हस्तान्तरण गरेको हो । सम्बन्धित व्यक्तिलाई हस्तान्तरण गरिएका मोटरसाइकल प्रहरीले जाँच गर्ने क्रममा र दुर्घटना हुँदा छोडेर भागेको अवस्थामा फेला परेको जनाइएको छ ।