- २१ कार्तिक २०८३, शनिबार / Nov 7, 2026
काठमाडौं । अनेरास्ववियुको केन्द्रीय अध्यक्षमा समिक बडाल विजयी भएका छन् । २३ औं राष्ट्रिय महाधिवेशनबाट अध्यक्षमा बडाल निर्वाचित भएको निर्वाचन समितिले घोषणा गरेको छ ।
बडाल निवर्तमान महासचिव हुन् । बडालले ९६२ मत प्राप्त गर्दा उनका निकटतम् प्रतिद्वन्द्वी आरसी लामिछानेले ३५६ मत प्राप्त गरेका छन्। महासचिवमा नरेश रोकाया विजयी भएका छन् ।
उनले ७३३ मत प्राप्त गरेका छन्। रोकायाका निकटतम् प्रतिद्वन्द्वी भाष्कर खनालले ३२२ मत प्राप्त गरे।निर्वाचन समितिका अनुसार उपाध्यक्षमा गोविन्द गिरी, धर्म गिरी, नारायण घर्ती र मर्यादा विष्ट विजयी भएका छन् ।
यसैगरी कोषाध्यक्षमा संगम अर्याल, सचिवमा अन्जना शिवाकोटी, आरती भट्टराई, दीपेश प्रसाईं, प्रकाश पौडेल, विनिता काफ्ले, सन्जीव धिताल र सुजन कडरिया निर्वाचित भएका छन् ।
नेकपा एमाले निकट विद्यार्थी संगठन अखिलले सहमतिमा नेतृत्व चयनको प्रयास गरेपनि असफल भएपछि बिहीबार बेलुकाबाट विद्युतीय मेसिनमार्फत मतदान गरेर नेतृत्व चयन गरेको हो।
