- २८ भाद्र २०८३, आईतवार / Sep 13, 2026
काठमाडौं । नेपाल कांग्रेसका उपसभापति पूर्णबहादुर खड्काले अर्थमन्त्री जनार्दन शर्माको विवादबारे तत्काल छानबिन गर्न संसदीय समिति बनाउन माग गरेका छन् । ‘बजेट निर्माणको बेलाको विषयसमेतलाई जोडेर संसद र आमजनमानसको गम्भीर चासोको विषय बनिसकेकाले विश्वासिलो तरिकाले समाधान गर्न संसदिय छानबिन समिति बनाएर यथार्थ कुरा सार्वजनिक गर्न उपसभापति खड्काले माग गरेका हुन् ।
काँग्रेस उपसभापति खड्काले विगतमा पनि यस्ता घटनाहरुमा संसदको यस्तो परम्परा रहेको अवगत गराउँदै ढिलो नगरी आजै टुङ्गो लगाउँन संसदीय छानविन समिति गठन गरिनु राम्रो हुने जिकिर गरे ।
त्यसैगरी काँग्रेसकै महामन्त्री गगनकुमार थापाले गठबन्धन सरकारले जनताका अपेक्षाहरु पूरा गर्न नसकेको र जनतामा विश्वासिलो काम गर्न अर्थमन्त्रीलाई प्रधानमन्त्रीले राजीनामा गराएर छानबिन गर्नु पर्ने बताएका थिए ।
