फेरी कोरोनाले चपेटा दिदै

काठमाडौं । १ करोड ३० लाख जनसंख्या भएको चीनको सियान शहर एक साताका लागि बन्द भएको छ । कोरोना भाइरसको संक्रमण बढ्दै गएपछि व्यापारिक गृह, विद्यालय र रेस्टुरेन्ट एक साताका लागि बन्द भएका हुन । गत वर्षको अन्त्यमा ऐतिहासिक शहर सियानमा एक महिना लामो लकडाउन गरिएको थियो ।

कोभिडको ओमिक्रोन सव भेरियन्टबाट जोगिन लकडाउन गरिएको चीन सरकारले जनाएको छ । यो भेरियन्ट यसअघि अमेरिका र बेलायतमा पनि देखिएको थियो । लकडाउनको अवधिभर पव, क्याफे र बारलगायतका सार्वजनिक मनोरञ्जनका स्थलहरु बन्द हुने जनाइएको छ । चीनमा कोरोना संक्रमण दर बढ्न थालेपछि पुरानो शहर सियानका केही भागमा फेरी लकडाउन गरिएको र शहरमा प्रत्येक दिन १८ जनामा कोरोनाको नयाँ संक्रमण फेला पर्न थालेको उल्लेख गरिएको छ ।