आईजीपी नियुक्ति कानुनसम्मत गर

आईजीपी नियुक्ति कानुनसम्मत गरकाठमाडौं । ७ सय ५३ स्थानीय तहमा निर्वाचनको सरगर्मी बढिरहेको बेला नेपाल प्रहरी र सशस्त्र प्रहरी बलको दुवै संगठनमा नेतृत्व परिवर्तनका लागि लबिङ शुरू भएको छ ।

सशस्त्र प्रहरी बलमा अस्वस्थ प्रतिस्पर्धा नभए पनि नेपाल प्रहरीमा प्रहरी महानिरीक्षक हुनका लागि तीव्र लबिङ शुरू भएको स्रोतको दावी छ ।

वर्तमान प्रहरी महानिरीक्षक शैलेश थापा क्षेत्री वैशाख १९ गतेबाट अनिवार्य अवकासमा जाने भएपछि नयाँ आईजीपीका लागि अहिले ४ जना प्रहरी अतिरिक्त महानिरीक्षक तीव्र लबिङमा लागेका हुन् ।

नेपाल प्रहरीको नयाँ नेतृत्वको दाबेदार विश्व पोखरेल भए पनि अन्य तीन जना एआईजीहरूसमेत लविङ्गमा लागेका छन् ।झन्डै १८ महिनाअघि एआईजीमा बढुवा भएका पोखरेललाई पाखा लगाएर अन्य तीन एआईजी सहकुल थापा, धीरजप्रताप सिंह र रवीन्द्र धानुक आईजीपीको दौडमा रहेका छन् ।

पोखरेलभन्दा ६ महिनापछि एआईजीमा बढुवा भएका थापा र हालैमात्र एआईजीमा पदोन्नति भएका सिंह र धानुकले समेत आईजीपीका लागि राजनीतिक नेतृत्वमा लबिङ गरेपछि संगठनभित्र एक प्रकारको नैराश्यता छाएको बहालवाला अधिकृतहरूले बताए ।