इजरायलमा मारिएका थप दुईजनासमेत गरी १० जनाकै शव पहिचान

काठमाडौं । इजरायलमा सुनसरीका राजेशकुमार स्वर्णकार र धनुषाका आनन्द साहको शव पहिचान भएको छ । इजरायलमा मारिएका थप दुई नेपाली विद्यार्थीको शव पनि पहिचान भएको इजरायलस्थित नेपाली दूतावासले जनाएको छ ।

बाँकी दुईजनासमेत गरी १० जनाकै शव पहिचान भएको हो । पहिचान भएका सबै शव आवश्यक प्रक्रिया पूरा गरी यथाशीघ्र स्वदेश पठाउने व्यवस्था मिलाइने दूतावासले जनाएको छ । दक्षिणी इजरायलको किबुज–अलुमिममा हमास समूहको आक्रमणमा परी १० नेपाली विद्यार्थीले ज्यान गुमाएका थिए ।