- ९ असार २०८३, मंगलवार / Jun 23, 2026
दोलखा । उद्यमी कृषकलाई बैंकले सहुलियतपूर्ण ऋण प्रवाह गर्ने भएका छन्। दोलखाका मेलुङ र तामाकोसी गाउँपालिकाले पालिकाभित्र रहेका उद्यमी कृषकहरूलाई सहुतियतपूर्ण ऋण प्रवाह गर्ने भएका हुन । पालिकाले हिमालयन, प्रभु र लक्ष्मी सनराज बैंकबीच सम्झौता समेत गरेका छन्।
कर्जा प्रवाहमा उद्यमी तथा कृषकलाई विनाझन्झट कर्जा प्रवाह गर्न अनुरोध गरिएको छ । विगतमा पनि बैंकहरूले कर्जा प्रवाह गर्दा नागरिकले धेरै समस्या खेपेपनि यस्ता समस्या समाधान गर्दै काम गर्नुपर्ने जनाएको छ ।
कर्जाका लागि तामाकोसी गाउँपालिका अध्यक्ष प्रोणप्रताप केसी, मेलुङ गाउँपालिका अध्यक्ष हीराकुमार थोकर र तीनवटै बैंकका प्रमुख तथा प्रतिनिधिबीच हस्ताक्षर भएको छ।
सम्झौतापत्रमा गाउँपालिका क्षेत्रका कृषि तथा पशुपन्छीजन्य क्षेत्रको व्यवसाय प्रवर्धन गरी उत्पादन एवं रोजगारी बढाउन, देशभित्रै रोजगारी सिर्जना गर्न, विदेशबाट फर्केका युवाहरूको सीप र व्यावसायिक दक्षता उपयोग गर्दै उनीहरूलाई स्वरोजगार बनाउन, महिला उद्यमशील क्षमताको विकास गर्ने उल्लेख गरिएको छ।
