उपनिर्वाचनका लागि निर्वाचन आयोगले गर्‍यो दल दर्ता आह्वान

काठमाडौं । आगामी वैशाख १० गते हुने उपनिर्वाचनका लागि निर्वाचन आयोगले दल दर्ता गर्न आह्वान गरेको छ । उपनिर्वाचनमा भाग लिन दल दर्ताका लागि आयोगले मंगलबार आह्वान गरेको हो । आयोगले तनहुँ क्षेत्र नं. १ र बारा क्षेत्र नं.२ को दल दर्ताका लागि आयोगले बुधबारदेखि चैत १२ गतेसम्मको समय दिएको जनाएको छ ।

रवि लामिछानेको सांसद पद गएपछि खाली भएको चितवन क्षेत्र नम्बर २ मा आगामी बैशाख १० गते प्रतिनिधि सभा सदस्यका लागि उपनिर्वाचन हुन लागेको छ । आयोगले रामचन्द्र पौडेल राष्ट्रपति निर्वाचित भएपछि खाली भएको तनहुँ क्षेत्र नम्बर १,रामसहाय यादव उपराष्ट्रपति निर्वाचित भएपछि बारा क्षेत्र नम्बर २ खाली रहेको छ ।