कर्णाली दुर्घटना अपडेट : २ को मृत्यु, ६ वेपत्ता, ३१ जनाको उद्धार

२८ जेठ २०७७ कालिकोट । टिप्पर दुर्घटनामा दुई जनाको मृत्यु भएको छ भने ६ जना वेपत्ता भएका छन् । आज विहान (बुधबार) भारतबाट आएकाहरुलाई क्वारेन्टाइनतर्फ लैजाँदै गर्दा ना ८ ख ५१३३ नम्बरको टिप्पर लालीघाटको भीरबाट कर्णाली नदीमा खसेको थियो ।

प्रहरीका अनुसार नदीमा बगेका ३१ जनालाई जीवितै उद्धार गरिएको र छ जना अझै बेपत्ता भएका छन् । दुई जनाको शव भेटिएको भएको र बाँकीको खोजीकार्य प्रहरीले जारी राखेको छ । घाइतेको उद्धारका लागि नेपाली सेनाको हेलिकप्टर पठाउने तयारी भइरहेको आन्तरिक मामिला तथा कानुन मन्त्री नरेश भण्डारीले बताए ।