- २३ बैशाख २०८३, बुधबार / May 6, 2026
२८ जेठ २०७७ जीतेगडा । ३० जना यात्रु बोकेर कालिकाेट जादै गरेको टिप्पर कर्णाली नदीमा खसेको छ । भारतबाट आएका मानिसलाई बाेकेर क्वारेन्टाइनतर्फ लैजाँदै गरेको उक्त टिप्पर बुधवार बिहान कर्णालीमा खसेको हो । दुर्घटनामा परी ३० जना वेपत्ता भएको राकम प्रहरीले जनाएको छ ।
कर्णाली करिडोर अन्तर्गत लालीघाटको भीरबाट टिप्पर नदीमा खसेको स्थानीयले बताए । भारतबाट आएकाहरुलाई टिप्परले रास्कोट नगरपालिकाले निर्माण गरेको क्वारेन्टाइनमा लैजाँदै गरेकाे थियो । दुर्घटनापछि प्रहरीको टोली घटनास्थलमा खटिएकाे छ ।
स्थानीयले कर्णालीमा बग्दै गरेका केहीलाई जिवितै उद्धार गरेका छन् । रास्कोट जानका लागि साना गाडी उपलब्ध नभए पछि भारतबाट आएकाहरुको संख्या पनि धैरै भएका कारण ना ८ ख ५१३३ नम्बरको टिपरले बाेकेर लग्दै थियाे । जिते बजारबाट यात्रु बोकेर हिँडेको टिपरले उनीहरुलाई क्वारेन्टाइन लैजाँदै गर्दा दुर्घटना हुन पुगेकाे कालीकोटका सिडिओ चन्द्रप्रसाद गैरेले बताए ।
घटनामा २ जनाको शव फेला परेको छ ।, अरु विवरण आउने क्रममा रहेकाे छ । नेपाली सेना, नेपाल प्रहरी र सशस्त्र प्रहरी घटनास्थलमा पुगेर उद्दार कार्य जारी राखेकाे छ । घटना भएको ठाउँमा फोनले समेत काम गर्दैन ।
