- १३ कार्तिक २०८३, शुक्रबार / Oct 30, 2026
काठमाडौं । १४ बुँदे प्रतिवद्धता पारित गर्दै नेपाली कांग्रेसका जिल्ला सभापतिहरूको भेला सकिएको छ । ‘बदलिएको कांग्रेस, बलियो कांग्रेस’ बनाउने प्रतिबद्धता जनाउदै काँग्रेस जिल्ला सभापतिहरुको भेला सकिएको हो ।
पार्टीसँग सरकारका मन्त्रीको समन्वय नभएको, बजेटमा विभेद गरिएको, भ्रातृ संस्थालाई पूर्णता दिने क्रममा जिल्ला सभापतिहरुलाई बेवास्ता गरिएको, गुटको राजनीतिले पार्टी समस्यामा रहेको असन्तुष्टि सभापतिहरुले राखेका थिए ।
ती विषयहरुलाई केन्द्रीय समितिको बैठकमा उठाउने वचन दुई महामन्त्री बैठकमा गगन थापा र विश्वप्रकाश शर्माले जनाएका छन् । भेला क्रियाशील सदस्यता र त्यसलाई कसरी प्रविधिमैत्री बनाउने र कहिले कहिले अधिवेशन गर्ने भन्ने विषयमा केन्द्रित रहेको महामन्त्री शर्माले जानकारी दिनुभयो ।
