- २ श्रावण २०८३, शनिबार / Jul 18, 2026
कालीकोट । कालीकोटको तिलागुफा नगरपालिका–१० को रुडु र रानावाडा गाउँमा थाहा नभएको रोग फैलिएको छ । उक्त गाउँमा थाहा नभएको रोग फैलिएपछि तिलागुफा नगर अस्पताल र जिल्ला अस्पताल कालीकोटबाट डाक्टरको टोली पुगिसकको र उपचार थालि सकको छ ।
ज्वरो आउने, टाउको दुख्ने, अनुहारमा दाग देखिने र हातखुट्टा सुनिने लक्षण रहेको केही नमूना सङ्कलन गरेर प्रयोगशालामा परीक्षणका लागि पठाइएको जनाएको छ । प्रयोगशालाको परिक्षणपछि मात्रै कुन रोग हो भन्ने यकीन हुने डाक्टरका टोलीले जनाएको छ । गाउँमा फैलिएको रोगको यकिन गर्न परीक्षणमा आएकामध्ये ९ जना बिरामीको रगतको नमूना संकलन गरेर सुर्खेत पठाइने स्वास्थ्य सेवा कार्यालयले जनाएको छ ।
खटिएको डाक्टरको टोलीले बिरामीको नमूना संकलनसँगै उपचार थालेको र शुक्रबार ३ सय ११ जना बिरामीको स्वास्थ्य परीक्षण गरी औषधि वितरण गरिएको छ भने स्वास्थ्य जाँच शिविर शनिबार पनि चल्नेछ । एक हप्तादेखि फैलिएको रोगबाट १३ वर्षीया कर्मा थापाको ज्यान गएको थियो । गाउँभरि बिरामी छन् । बिरामी हुनेमा महिला र बालबालिका धेरै छन् । बिरामीको स्वास्थ्य जाँच र उपचार भइरहेको छ ।
