किन रोकियो निर्माणधीन तीन वटा सडकको काम

दाङ । सरकारी कार्यालयबीचको समन्वय भावमा दाङमा निर्माणधीन तीन वटा सडकको काम रोकिएको छ । दुई वटा सडक पूर्वाधार कार्यालय र बँगलाचुली गाउँपालिकाको समन्वय अभावले सडको काम रोकिएको हो । वातावरण प्रभाव मूल्याङ्कन बिना नै वन क्षेत्रबाट सडक निर्माण गर्न थालेपछि डिभिजन वन कार्यालयले रोकेपछि बबई गाउँपालिकाको हापुरेबाट गँगटे जोड्ने १८ किलोमिटर सडकको काम चार महिनादेखी रोकिएको जनाइएको छ ।

बँगलाचुली गाउँपालिकाको गौरवको योजना अन्तर्गतको घोराही उपमहानगरपालिको १ मुलाबारीबाट सिमलतारा, हासीपुर, जबरकोट जोड्ने सडक स्तरउन्नति गर्नको लागि पनि ५ करोड ९ लाख बजेट विनियोजन भएपनि यो सडकको स्तर उन्नतिको काम पनि भएको छैन । बंगलाचुली गाउँपालिकाले आफै प्रारम्भिक वातावरण प्रभाव मूल्याङ्कन गर्न थालेको र आफैले मूल्याङ्कन प्रतिवेदन स्वीकृत गरेर नियम विपरीत काम गरेकाले सच्च्याएर मात्र काम गर्न डिभिजन वन कार्यालय दाङले रोकेको छ ।