कोशी प्रदेशमा नयाँ सरकार गठनको तयारीमा जुटदै राजनीतिक दलहरु

काठमाडौं । कोशी प्रदेशमा नयाँ सरकार गठनको तयारी सुरू भएको छ । कोशी प्रदेशमा मूख्यमन्त्री हिक्मत कार्कीको सरकार ढलेपछि नयाँ सरकार गठनको प्रक्रिया सुरु भएको हो । कोशीमा एमाले राप्रपा गठबन्धन र कांग्रेस, माओवादीलगायतको गठबनधनसँग बराबर सिट रहँदा कुन पक्षले बहुमत जुटाउन सक्छ भन्ने टुंगो छैन ।

प्रदेश प्रमुखले संविधानको कुन धारा अन्तर्गत सरकार गठनका लागि आह्वान गर्नुहुन्छ भन्ने पनि चासोको विषय बनेको छ । बहुमतको सरकार गठन हुन नसके ठूलो दलहको हैसितमा एमालेले सरकार गठनको मौका पाउने छ ।

नयाँ सरकार गठनका लागि प्रदेश प्रमुख पर्शुराम खापुङले दलहरू परामर्श गर्नुभएको छ । प्रदेश प्रमुखले आइतबार बहुमत जुटाएर सरकार गठनका लागि दलहरुलाई आव्हान गर्ने तयारी गर्नुभएको बुझिएको छ ।