गाँजासहित तीन जना पक्राउ

काठमाडौं । नेपाल प्रहरीको लागूऔषध नियन्त्रण ब्यूरो (एनसीबी)ले गाँजासहित तीन जनालाई पक्राउ गरेको छ । अमेरिकाबाट पार्सल भनेर आएको ७ किलो गाँजासहित बुधबार तीन जना पक्राउ परेका हुन । अमेरिकाको लस एज्जलसबाट दुबई हुँदै काठमाडौं ल्याइएको होम डेकोर वाटर फाउन्टेन एण्ड चाइल्ड गेम आइटमको पार्सलमा लुकाएर पठाएको गाँजा प्रहरीले बरामद गरेको ब्यूरोले जनाएको छ ।

पक्राउ पर्नेमा भारत गुजरातका ३० वर्षीय निमेश अशोकभाइ दयानी, सर्लाहीको हरिहरपुर नगरपालिका ३ का फैज आलम र गोरखाको गण्डकी गाउँपालिका ४ का २३ वर्षीय रुपक अर्याल रहेका छन् । अमेरिकाको क्यालिफोर्नियाबाट दुबई हुँदै आएको होम डेकोर वाटर फाउन्टेन एण्ड चाइल्ड गेम आइटम उल्लेख गरेको पार्सलमा समेत प्रहरीले २.४ किलोग्राम गाँजा भेटेको ब्यूरोले जनाएको छ ।