- ५ आश्विन २०८३, सोमबार / Sep 21, 2026
एजेन्सी । भारतको बिहारमा गोली प्रहार हुँदा २ जनाको मृत्यु भएको छ भने ६ घाइते भएका छन् । भारतीय राज्य विहारको राजधानी पट्नामा गाडी पार्किङको विवादमा अन्धाधुन्ध गोली प्रहार हुँदा दुई जनाको मृत्यु भएको हो ।
सडकमा गिट्टी नखसाल्न भन्दै स्थानीयले विरोध गर्दा उेमश रायका गुण्डाहरुले भीडमा अन्धाधुन्ध गोली प्रहार गर्दा दुई जनाको घटना स्थलमै मृत्यु भएको भारतीय सञ्चार माध्यमहरुले जनाएका छन् । गोली लागेका मध्ये ३ जनाको अवस्था गम्भीर रहेको जनाइएको छ ।
गोली प्रहारका कारण ६ जना घाइते भएका हुन् । पट्नाको जेठुलीको सडकमा उमेश राय नामक एक व्यक्तिले ट्याक्टरबाट गिट्टी खसालेका कारण पार्किङमा समस्या भएपछि भएको विवादले उग्र रुप लिएको हो ।
गोली चलाउन आदेश दिने उमेश राय राजनीतिक पार्टीहरुसँग निकट सम्बन्ध राख्ने गुण्डा भएको भारतीय सञ्चार माध्यमहरुले जनाएका छन् । राजनीतिक पहुँचका आधारमा हुने गुण्डागर्दीका लागि बिहार भारतकै कुख्यात राज्य हो ।
अन्धाधुन्ध गोलीकाण्डपछि आक्रोशित स्थानीयहरुले आरोपी उमेश राय र राय निकटका व्यक्तिहरुका घरहरुमा आगो लगाएका छन् । साथै उनीहरुका घरमा रहेका गाडीमा पनि आगो लगाएका हुन् ।
